कृष्णसार अनलाइन । किशोरीहरूलाई सचेत बनाउने उद्देश्यले माइती नेपालले वार्षिक उत्सवको अवसर पारेर अन्तरक्रिया अभिमुखीकरण गरेको छ । माइती नेपालको ३४ औँ वार्षिक उत्सवको अवसर पारेर अन्तरक्रिया तथा अभिमुखीकरण गरेको हो ।
कार्यक्रममा सहभागी भएका किशोरीहरूलाई मानव बेचबिखनको विगतदेखि वर्तमान अवस्थाको बारेमा जानकारी गराइएको माइती नेपाल बर्दियाकी प्रमुख गायत्री रिमालले बताउनु भयो । उहाँले भन्नुभयो, ‘ मानव बेचविखनमा परेका पीडितलाई न्याय दिलाउन कस्तो कानुनी ब्यवस्था छ । बेचबिखनका गर्दा दलालले अपनाउने तौर तरिका, सम्भावित स्थानहरु किशोरीहरुलाई जानकारी गराइएको थियो ।’
त्यसैगरी माइती नेपालको ३४ औँ वार्षिक उत्सवको अवसरमा पारेर गुलरिया नगरपालिका आसपास, बसपार्क नजिक र नेपाल भारत सिमाना सुरजपुर बोडरमा ब्यानर प्रदसनी , पर्चा पम्लेट वितरण गरी मानव बेचबिखन विरुद्ध सचेतना मूलक कार्यकम गरिएको थियो ।
