प्रकाश पौडेल
गुलरिया ।
अखिल नेपाल राष्ट्रिय स्वतन्त्र विद्यार्थी युनियन ( अनेरास्वबियु) बबई बहुमुखी क्याम्पस कमिटीद्वारा नव आगन्तुक बिधार्थीलाई स्वागत गर्दै होली मिलन कार्यक्रम सम्पन्न गरेको छ । बबई बहुमुखी क्याम्पसमा आयोजित कार्यक्रममा अनेरास्वबियु स्थाइ कमिटी सदस्य जीत बहादुर रोकायको प्रमुख अतिथ्यतामा कार्यक्रम सम्पन्न गरीएको हो ।
कार्यक्रममा जनसाँस्कृतिक महासंघको केन्द्रिय सदस्य बिष्णु थापा सरगम , डेफिनेशन ब्याण्ड लगायत बिधार्थीले विविध साँस्कृतिक प्रस्तुती गरेका थिए । भने साहित्यकारहरुले गजल र कविता वाचन गरेका थिए ।
कार्यक्रम अनेरास्वबियु क्याम्पस कमिटी अध्यक्ष लक्ष्मण भण्डारी अध्यक्षतामा भएको थियो । कार्यक्रममा बिशेष अतिथी क्याम्पस प्रमुख विरेन्द्र राज लम्साल रहनु भएको थियो । अतिथीहरुमा अनेरास्वबियु जिल्ला अध्यक्ष मदन भण्डारी, जिल्ला सचिव लक्ष्मण सिग्देल प्राध्यापकहरु हरि प्रसाद जोशी, हेमन्त राज अधिकारी, सन्त कुमार वर्मा, बामदेब ज्ञवाली लगाएतकाको उपस्थिती रहेको थियो ।
अनेरास्वबियु क्याम्पस कमिटी सचिव ठाकुर प्रसाद तिवारीले कायक्रम सञ्चालन गर्नु भएको थियो । कार्यक्रममा अनेरास्वबियु क्याम्पस कमिटी उपाध्यक्ष रिजवान खानले स्वागत मन्तव्य राख्नु भएको थियो ।
