दलबहादुर सुनार, बढैयाताल । जनजागरण महिला संघको अध्यक्षमा पौडेल निर्वाचित हुनु भएको छ । जनजागरण महिला संघको मंगलबार सम्पन्न भएको २५ औ साधारण सभा तथा आठौँ अधिवेशनबाट अध्यक्षमा गोमा पौडेल सर्वसम्मत निर्वाचित हुनु भएको हो ।
अधिवेशनले उपाध्यक्षमा सोनु बराइली , सचिवमा तारा पौडेल , सह सचिवमा सुनिता चौधरी , कोषाध्यक्षमा जम्रिुल खाँ , सदस्यहरूमा पार्वती गौतम , गौरी तिवारी , जमुना के.सी. , सिता लामिछाने , पार्वती बराल र सन्ध्या सुनार सर्वसम्मत निर्वाचित हुनु भएको निर्वाचन समितिका संयोजक ढाकाराम लामिछानेले जानकारी दिनुभयो ।
बढैयाताल ३ सिमरामा रहेको जनजागरण महिला सङ्घको कार्यालय सम्पन्न भएको चुनावी साधारण सभाले पौडेलको अध्यक्षतामा ११ सदस्य समिति निर्वाचित गरेको हो । भने समितिको कार्यकाल ३ वर्षको रहने छ । साधारण सभामा आर्थिक वर्ष २०८१ / ०८२ को सामाजिक तथा आर्थिक प्रतिवेदन प्रस्तुत गरिएको थियो ।
