बर्दिया(गेरुवा) ।
बर्दियाको गेरुवा गाउँपालिकामा यात्रुबाहक गाडीले ठक्कर दिँदा एकको मृत्यु भएको छ । गेरुवा गाउँपालिका–६ नौरंगामा यात्रुबाहक गाडीले ठक्कर दिँदा पैदलयात्रीको राजापुर नगरपालिका –१ का ३२ बर्षीय बसन्त थारुको मृत्यु भएको हो ।
गाडीको ठक्करबाट गम्भीर घाइते भएका थारुको उपचारका क्रममा नेपालगञ्ज मेडिकल कलेज नेपालगञ्जमा मृत्यु भएको हो । गुलरिया देखि गोलातर्फ जाँदै गरेको भे १ ख ३३६४ नम्बरको यात्रुबाहक गाडीले पैदल हिडिरहेका थारुलाई ठक्कर दिएको हो । ठक्कर दिने गाडी र चालकलाई इलाका प्रहरी कार्यालय पाताभारले नियन्त्रणमा लिएको छ ।
