बर्दिया । ६० औं प्रहरी दिवसको अवसरमा बृहत् रक्तदान कार्यक्रम सम्पन्न भएको छ । जिल्ला प्रहरी कार्यालय बर्दियाको आयोजनामा रक्तदान कार्यक्रम सम्पन्न भएको हो ।
जिल्ला प्रहरी कार्यालयका सूचना अधिकारी प्रहरी नायव उपरीक्षक हिक्मत बहादुर बाेहराले प्रहरी दिवसको अवसरमा रक्तदान कार्यक्रमको आयोजना गरिएको बताउनु भयो । रक्तदान कार्यक्रममा २८ जना प्रहरी अधिकृत र जवानहरूले २८ पिन्ट रगत दान गरेको उहाँले बताउनु भयो ।
जिल्लामा हुने रगत अभावलाई कम गर्न पनि रक्तदान कार्यक्रम महत्वपूर्ण हुने गरेको छ । रगतका अभावमा रहेका बिरामीहरूलाई र अन्य संघ/संस्थाले आयोजना गरेको रक्तदानमा पनि प्रहरीले रक्तदान गर्दै आईरहेका छन् ।
