विशाल बस्नेत
गुलरिया ।
बर्दियामा १६ जनामा कोरोना संक्रमित फेला परेका छन् । पछिल्लो समयमा कोरोना संक्रमण बढ्दै गएपछि गरिएको परीक्षणमा संक्रमित फेला परेका हुन् ।
बर्दियाको गुलरिया नगरपालिकामा ११ जना गेरुवा गाउँपालिकामा ४ जना र बाँसगढी नगरपालिकामा एक जनामा कोरोना संक्रमण फेला परेको स्वास्थ्य कार्यालय बर्दियाका सूचना अधिकारी कृष्णगोपाल चौधरीले बताउनु भयो । कोरोनाको लक्षण फेला परेपछि परिक्षण गर्दा पोजेटिभ देखिएको उहाँले बताउनु भयो ।
उनीहरूलाई घरमै आइसोलेसन बस्न लगाइएको छ । आवश्यक औषधी सहित आइसोलेसन बस्न लगाइएको स्वास्थ्य कार्यालयका प्रमुख गोर्कण गिरीले बताउनु भयो । उहाँका अनुसार कोरोनाबाट बच्नका लागि स्वास्थ्यका मापदण्डको पालना गर्नुपर्ने बताउँदै स्वास्थ्य कार्यालयले कोरोना खोपको बुस्टर डोजको व्यवस्थापन गर्न लागेको बताउनु भयो ।
