Division forest_Ads
Edu_Barabardiya

लिम्बुनी गाउँ

कविता

Bidhut Notice
Geruwa GIF

राज माङलाक

पारी देखिन्छ –गाउँ

तल खोला गरेर
उकालो लागेपछि
आमाको हत्केलामा
टुकुर टुकुर हिँडेर पुगिन्छ– लिम्बुनी गाउँ ।

त्यहाँ–
धान नाच्दै हुन्छन् तरुनी छोरीहरु
जाँडको डबुको राखेर हाक्पारे गाउँदै हुन्छन् बूढापाका
तङ्सिङ अनुष्ठान गर्दै हुन्छन् फेदाङ्माहरु

Basgadhi PSA_final

कुपीको उज्यालोमा देखिन्छ
आफ्नै सम्भता
फलैंचामा बसेर देखिन्छ
पूर्खाको इतिहास
बाँसको टुप्पा हल्लिदा देखिन्छ
आमाको आमा

अझै माथी पुगेपछि देखिन्छ
नाकमा टल्किएका ढुङ्ग्री–मुन्दी घरहरु
र आँखा जस्ता पाठशालाहरु

त्यहाँ –
खोस्रेर हेर्यो भने देखिन्छ
हरेक बिहानीले छोडेका बालापनहरु
त्यहीँका जूनतारालाई जिम्मा दिएर हिँडेर सौन्र्दय
र नब्बेसालको आपत पनि

त्यहीँ छ
हार्दिक र आत्मीयताले
छपक्क भिजेको माटो

गाउँ पुगेर ढोका ढक्ढक्याउनुस्
हिजोआज त्यहाँ
चुला छेउछाउमा बसेर लिम्बु दाइभाई
चुम्लुङ बसिरहेका हुन्छन्
यो देश हाम्रो पनि हो भनेर ।

साभार –२०७४ सालको मदन पुरस्कारको सूचीमा पर्न सफल लिम्बुनी गाउँबाट ।

Leave A Reply

Your email address will not be published.