कृष्णसार अनलाइन, बर्दिया । नेपाल कम्युनिष्ट पार्टी (एमाले)जिल्ला कमिटि बर्दियाको अध्यक्षमा शालिकराम अधिकारी निर्वाचित हुनुभएकाे छ । नेकपा एमाले बर्दियाको १० औँ अधिवेशनले अधिकारीलाई निर्वाचित गरेको हो ।
अधिकारी एक सय ८० मत ल्याएर विजयी हुनुभएकाे छ। तिव प्रतिस्पर्धा भएको निर्वाचनमा उहाँका प्रतिद्वन्द्वी लाल बहादुर श्रेष्ठले एक सय ७० मत ल्याउनु भएकाे थियाे । श्रेष्ठ यस अघि नेकपा एमाले बर्दियाको अध्यक्ष हुनुहुन्थ्यो भने अधिकारी उपाध्यक्षमा हुनुहुन्थ्याे ।
त्यसैगरी उपाध्यक्षमा दुर्गा बहादुर वलीले एक सय ७९ मत ल्याएर विजयी हुनुभएकाे छ भने उहाँका प्रतिद्वन्द्वी कृष्ण प्रसाद गौतमले एक सय ५९ मत ल्याउनु भएकाे छ। सचिवमा पदम ढकाल विजयी हुनुभएकाे छ । उहाँले एक सय ७६ मत प्राप्त गर्नुभएकाे उहाँकाे प्रतिद्वन्द्वी नैनबहादुर खत्रीले एक सय ६८ मत ल्याउनु भएकाे थियाे ।
यता उपसचिवमा लाहनु थारुले एक सय ७८ मत ल्याएर विजयी हुनुभएकाे छ भने जिवन बहादुर शाही एक सय ५८ मत ल्याएर २० मतले पराजित हुनुभएकाे छ महिला उपसचिवमा एक सय ८७ मत प्राप्त गरेर संगिता थारु विजयी हुनु भएकाे छ भने मञ्जु शर्मा एक सय ५१ मत ल्याएर ३६ मतले पराजय हुनुभएकाे छ ।
त्यसैगरी लेखा समितिमा विष्णु प्रसाद भट्टराईको अध्यक्षतामा सात सदस्यिय समिति निर्विरोध निर्वाचित भएकाे छ । । बर्दिया जिल्लामा पदाधिकारी सहित एक सय पाँच जनाको जिल्ला कमिटिका लागि निर्वाचन भएको हो । निर्वाचनमा तिन सय ६४ मत मध्ये तिन सय ५९ मत खसेकाे थियाे । अधिवेशन गत १८ गते देखि सञ्चालन भएको थियो ।
