Division forest_Ads
Edu_Barabardiya

शिक्षकको क्षमता विकासका लागि तीन दिने कार्यशाला

Bidhut Notice
Geruwa GIF

अमरराज लम्साल, गुलरिया । मधुवन नगरपालिकामा  पालिका स्तरीय एकीकृत पाठ्यक्रम कार्यशाला गोष्ठी गरिएको छ । पालिका रहेका शिक्षकहरूको क्षमता विकास गर्ने उद्देश्यले पाठ्यक्रम कार्यशाला गोष्ठी गरिएको हो । 

पालिका रहेका विद्यालय शिक्षकहरू क्षमता विकास तथा अनुभव आदानप्रदान गर्नका लागि कार्यशाला गोष्ठी गरिएको हो । बाँके युनेस्को क्लब आयोजना तथा प्लान इनटरनेशनल नेपालको सहयोगमा  गोष्ठी गरिएको हो । 

मधुवन नगरपालिकाको उपप्रमुख अनिता चौधरीले शिक्षकहरू भनेको समाजका आदर्श भएकोले शिक्षण पेशा अति महत्वपूर्ण हुनुको साथै सम्मानित पनि रहेको  बताउनु भयो । उहाँले शिक्षकले पढाएको कुरा नै सही हुन्छ भन्ने मान्यता साना बालबालिकामा रहेको पाइन्छ , त्यसकारण शिक्षकले दिने ज्ञान सही र सत्य हुनुपर्ने बताउनु भयो ।

उहाँले भन्नुभयो, ‘विद्यार्थीहरू अति जिज्ञासु स्वभावका हुन्छन् । मैले सोधेको प्रश्नको उत्तर मेरो गुरुसँग हुन्छ मान्ने मान्यता राख्छन् । त्यसकारण शिक्षक पनि प्रत्येक दिन विद्यार्थीहरूको जिज्ञासा समाधान गर्न सक्ने गरी  तयार भएर विद्यालय जानुपर्छ । ’

मधुवन नगरपालिका शिक्षा युवा तथा खेलकुद शाखा प्रमुख  नारायण खनालले २०७६ सालमा एकीकृत पाठ्यक्रम लागू भएको  बताउनु भयो । उहाँले भन्नुभयो, ‘ एकीकृत पाठ्यक्रम लागू भएपछि एक पटक तालिमको आयोजना गरेको थियौं । तर तालिम गर्ने योजना भए पनि बजेट अभावले सो तालिम गर्न सकेका थिएनौ ।  यस पटक बाँके युनेस्को क्लब आयोजना तथा प्लान इनटरनेशनल नेपाल सहयोगमा तीन दिने कार्यशाला गरिएको छ । ’ शिक्षकहरूले प्रविधिको प्रयोग गर्न अति आवश्यक रहेको छ   शाखा प्रमुख खनालले बताउनु भयो ।

Basgadhi PSA_final

बाँके युनेस्को कार्यक्रम संयोजक गोविन्द प्रसाद लामिछानेले विद्यालय भित्र गरिने शिक्षण सिकाइलाई प्रभावकारी ढंगबाट सञ्चालन गर्न शिक्षकहरू भन्दा बढी विद्यार्थीहरूलाई सक्रिय बनाउनु पर्ने बताउनु भयो । उहाँले  विज्ञान र प्रविधि विकास भएसँगै शिक्षण सिकाइका नयाँ नयाँ शैलीको विकास भएको छ , सो अनुसार शिक्षण हुन नसक्दा पनि शिक्षण सिकाइ खासै प्रभावकारी हुन सकेको बताउनु भयो । 

शिक्षकले कक्षा कोठामा प्रवेश गर्नु अधि विद्यार्थीका  अरु दिन भन्दा फरक शैलीको प्रयोग  सके मात्र पनि कक्षा कोठाभित्र हुने सिकाइ प्रभावकारी  हुने लामिछाने  बताउनु हुन्छ । उहाँले भन्नुभयो, ‘  अभिभावक पनि बेला बेला विद्यालय जाने विद्यार्थीहरूको सिकाइ अवस्था कस्तो छ बुभ्न उनीहरु विद्यालयमा के गरी रहेका छन् हेर्न जरुरी छ । तर कयौं अभिभावक विद्यालयको आँगनमा  समेत गएको पाइदैन् । अभिभावकहरू गएर पनि विद्यालयमा गएर चासो दिन जरुरी रहेका छ । ’

तालिममा सहभागी पूर्णपुर माध्यमिक विद्यालयका शिक्षक भुवनेश्वर डाँगीले आफूले  पहिलो पटक तालिम लिएको र तालिम उपलब्धि मूलक भएको बताउनु भयो ।  उहाँले तालिमले शिक्षण सिकाइमा सकारात्मक प्रभाव पार्ने  भएकोले विद्यार्थीको पठनपाठनमा पनि सुधार गर्न नयाँ विधिको प्रयोग गर्ने बताउनु भयो । उहाँले यस्ता कार्यक्रमलाई निरन्तरता दिएर शिक्षणको क्षमतावृद्धि गर्दै  जानुपर्नेमा  जोडदिनु भयो । 

त्यसैगरी तालिममा सहभागी शिक्षिका सुष्मा केसीले कक्षा कोठाभित्र गरिने शिक्षण सिकाइका लागि नयाँ शैली, सीप, तौर तरिकाको विकास भइरहेको छ , कार्यशाला गोष्ठीले नयाँ आइडिया प्राप्त भएको बताउनु भयो । उहाँले विद्यार्थीहरूलाई नयाँ विधि सीप, र प्रविधिको प्रयोग गरेर कक्षा  सञ्चालन गर्न सकेमा विद्यार्थीहरूले धेरै कुरा सिक्न सक्छन् , कार्यशाला सिकेको कुरालाई  कक्षा कोठामा प्रयोग गर्ने बताउनु भयो । 


सशक्त बालिका परियोजना अन्तर्गत मधुवन नगरपालिका तीन दिने अभिमुखीकरण कार्यक्रम  भएको थियो ।  तालिमका ९५ जना शिक्षकको सहभागिता रहेको थियो । भने प्रशिक्षक शकर प्रसाद आचार्यले अभिमुखीकरण तालिम दिनुभएको थियो । 

Leave A Reply

Your email address will not be published.