ठाकुरबाबा । बर्दियामा हात्तीको आक्रमणबाट एक जनाको मृत्यु भएको छ भने एक जना घाईते भएका छन् ।
ठाकुरबाबा नगरपालिका २ पेरहनीका ५२ वर्षीय शिवप्रसाद थारूको मृत्यु भएको हो । त्यसैगरी सोही वडा सुजनपुरका ३५ बर्षिय विश्राम थारू हात्तीको आक्रमणबाट घाईते भएका छन् । हात भाँचिएका उनलाई ठाकुरबाबा नगरपालिकामा प्राथमिक उपचार पछि थप उपचारका लागि नेपालगञ्ज लगिएको बर्दिया राष्ट्रिय निकुञ्जका संरक्षण अधिकृत सुचना अधिकारी पुरुषाेत्तम वाग्ले बताउनु भयो ।
कुलो मर्मतका लागि निकुञ्ज भित्र गएका उनीहरूलाई हात्तीले आक्रमण गरेको पारिवारिक श्रोतले जनाएको छ । मृतकको शवलाई पोष्टमार्टमका लागि बर्दिया अस्पताल गुलरिया लगिएको छ ।
