Division forest_Ads
Barabardiya PSA_Final

एक बर्षमा ५३ जना महिला तथा बालिका बलात्कृत

Bidhut Notice
Rajapur_Final

यज्ञप्रसाद सापकोटा
बर्दिया ।
बर्दियामा एक बर्षमा ५३ जना बालिका तथा महिलाहरु बलात्कृत भएको तथ्याङ्क सार्वजनिक भएको छ । सन् २०२१ को जनवरी देखि डिसेम्बर सम्म ५३ जना बालिका तथा महिला बलात्कृत भएको तथ्याङ्क सार्वजनिक भएको हो ।

अनौपचारीक क्षेत्र सेवा केन्द्र (इन्सेक) बर्दियाले नेपाल मानवअधिकार वर्ष पुस्तकको सम्पादन पुर्व समिक्षा कार्यक्रममा सो तथ्याङ्क सार्वजनिक गरेको हो । बर्दिया जिल्लामा एक बर्षमा ३५ जना १८ बर्ष मुनिका बालिकामा बलत्कार र बलत्कारको प्रयास भएको तथ्याङ्कमा उल्लेखीत छ । त्यसैगरी १८ बर्ष भन्दा माथिका १८ जना महिलाहरु माथि बलत्कार भएको इन्सेक बर्दियाले जनाएको छ । गत बर्ष (सन् २०२०) को तुलनामा बलत्कारका घटनामा बृद्धि भएको हो । गत बर्षको तथ्याङ्कमा २६ जना बालिका माथि बलत्कार भएको थियो । भने १५ जना महिला बलत्कारको सिकार भएका थिए ।


कार्यक्रममा इन्सेक जिल्ला प्रतिनिधी मानवबहादुर चौधरीले सन २०२१ जनवरी देखि डिसेम्बरसम्म बर्दिया जिल्लामा घटेका मानवअधिकारसंग सम्बन्धीत घटना प्रस्तुत गरेका थिए । प्रस्तुत घटनाहरुमा महिला माथि दुरब्यवहार ३, बालविवाह ३, बहुविवाह १५, जातिय छुवाछुत २, बोक्सीको आरोप २, आत्महत्या दुरुत्साहन २, बालिका वेपत्ता १ गरी ८२ वटा घटनाको विवरण सार्वजनिक गरेका थिए । गत बर्ष (सन् २०२०मा ) ७० ओटा मानवअधिकार उल्लघंनका घटना सार्वजनिक गरीएको थियो । इन्सेकले विगत २७ वर्ष देखि नेपालको सबै जिल्लामा मानवअधिकार उल्लघनका घटना अनुगमन तथा अभिलेख गरी हरेक वर्ष नेपाल मानवअधिकार वर्ष पुस्तकको रुपमा पुस्तक प्रकाशन गर्दै आएको छ ।

 

कार्यक्रमका सहभागीहरुले प्रहरीमा मुद्दा दर्ता नभएका घटनाहरुको पनि इन्सेकले खोजविन गरी अभिलेखिकरण गर्नुपर्ने सुझाव दिएका छन् । अझै पनि समाजमा जघन्य अपराधलाई ढाकछोप गर्ने र समुदाय मै मिलाउने गरीएको भेटिने गरेको उनीहरुको भनाई छ ।

प्रमुख जिल्ला अधिकारी सन्तबहादुर सुनारले राज्यले मानवअधिकार संरक्षणलाई पहिलो प्राथमिकतामा राखेर काम गर्ने जिम्मेवारी रहेको बताउँदै सोही अनुसार काम गर्दै आएको बताएका छन् । उनले मानिसलाई मानिस भएर बाँच्नलाई अबरोध गरिरहेको विषयलाई पनि इन्सेकले गम्भिरतापुर्वक उठाउनु पर्ने बताए ।

जिल्ला प्रहरी कार्यालय बर्दियाका प्रहरी प्रमुख एसपि ईश्वर कार्कीले प्रहरी जहिले पीडितको पक्षमा प्रेसरमा नरही स्वतन्त्र रुपमा काम गर्दै आएको बताए । उनले नेपाल प्रहरी समक्ष आएका घटना दवाव र प्रभाव भन्दा माथि उठेर कानुन अनुसार काम गर्दै आएको बताए ।

Leave A Reply

Your email address will not be published.