गुलरिया । बर्दियामा गैडाको आक्रमणबाट एक जनाको मृत्यु भएको छ । मधुवन नगरपालिका १ शिब सामुदायिक वनमा गैडाको आक्रमणबाट नेचर गाइड मनमोहन चौधरीको मृत्यु भएको हो ।
बिहान ८ बजे अमेरिकी नागरिक Mc Lendon Shawan , नेचर गाइड मनमोहन चौधरी, सामुदायिक बनका चौकीदार खिन्चु थारु जंगल वाकमा गएका थिए । जंगल वाक गएको समयमा गैडाको आक्रमण परी चौधरीको मुत्यु भएको जिल्ला प्रहरी कार्यालय प्रहरी नायब उपरीक्षक तुल्सीराम अर्यालले बताउनु भयो । उहाँले घाइते भएका अमेरिकी नागरिक Mc Lendon Shawanलाई थप स्वास्थ्य उपचारको लागि नगर अस्पताल भुरिगाउँ पठाएको जानकारी दिनुभयो ।
