गुलरीया । बर्दियाको गेरुवा गाउँपालिकामा दाउरा बोकेको डल्लब(गोरुगाडा) मा ठोकिँदा एकको मृत्यु भएको छ । विपरित दिशाबाट आएको डल्लब भे ८ प ९१६१ नं को मोटरसाईकल ठोकिँदा मोटरसाईकाल चालक गेरुवा गाउँपालिका वडा नं ५ पथरैया बस्ने ३० बर्षिय सुरेश चौलागाईको मृत्यु भएको छ ।
राती करिब १० बजे दुर्घटना भए पछि स्थानीयले प्रहरीलाई जानकारी गराएका थिए । दुर्घटना पश्चात् इलाका प्रहरी कार्यालय पाताभारका प्रहरी नायव निरिक्षक तेजबहादुर खड्काको टोलीले तत्काल उद्धार गरी राजापुर प्रथामिक स्वास्थ्य केन्द्र राजापुर पुर्याएको थियो । अस्पताल पुर्याए लगत्तै चिकित्सकले मृत घोषणा गरेका थिए । डल्लब र मोटरसाइकललाई प्रहरीले नियन्त्रणमा लिई आवश्यक अनुसन्धान गरीरहेको जिल्ला प्रहरी कार्यालय बर्दियाका प्रहरी नायव उपरीक्षक तुल्सीराम अर्यालले बताउनु भयो ।
