खेती राजनीति को हुन्छ,  चर्चा कुर्सी कै हुन्छ 

_ सुशिल ज्ञवाली

मान्छे बदलिन्छ एकदिन चेतना बदलिन्छ ।
समय सँगै दुःखी, गरिब को बेदना बदलिन्छ ।।

तपाई सम्पन्न हुनुस्, सरोकार राख्छ सबैले
धन देखेरै त महादेवको,  साधना बदलिन्छ ।।

खेती राजनीति को हुन्छ,  चर्चा कुर्सी कै हुन्छ
नढोगे पाउ बडाको ,यहाँ सम्भावना बदलिन्छ ।।

तपाई माया र प्रेम भन्नुहुन्छ, पछि लाग्नुहुन्छ
दुखेपछि मुटु बारबार, कसरी चाहना बदलिन्छ ।।

यसरी अपहेलना नगर्नुहोस् महोदय बुझ्नुभो,
मान्छे हु एकदिन मेरो पनि त, भावना बदलिन्छ ।।