बर्दिया । बर्दियामा दुई मोटरसाइकल एक आपसमा ठोकिँदा एकको मृत्यु भएको छ भने दुई जना घाईते भएका छन् । मधुवन नगरपालिका वडा नं ३ खाता स्थित हुलाकी सडकमा विपरित दिशाबाट आइरहेका मोटर साइकल आइतबार साँझ ठोकिएका थिए ।
मृत्यु हुनेमा गेरुवा गाउँपालिका वडा नं ५ बस्ने २४ वर्षीय बिकाश चौधरीको रहेका छन् । उनी राजापुरबाट ओराली तर्फ भे १२ प २१९० नं को मोटरसाइकलमा आईरहेका थिए । घाईते हुनेमा गेरुवा गाउँपालिका ४ गोला बस्ने ३७ बर्षिय जितेन्द्र चौधरी र ४६ वर्षीय सालिकराम चौधरी रहेका छन् । उनीहरु सानोश्रीबाट राजापुर तर्फ जाँदै गरेको सु.प्र.प. ०१–००९ प २१०४ नं को ८ मोटरसाइकलमा सवार रहेका थिए ।्
दुर्घटना लगत्तै उनीहरूलाई उद्धार गरी बर्दिया अस्पताल पुर्याइएको थियो । उपचारको क्रममा विकासको मृत्यु भएको थियो । उनलाई नाक र मुखमा चोट लागेको थियो । घाईते भएका जितेन्द्रको बाँया खुट्टा भाँच्चिएको छ भने चिउडोमा चोट लागेको छ । त्यसैगरी शालिकरामलाइ खुट्टा र शरिरको भित्री भागमा चोट लागेको प्रहरीले जनाएको छ ।
घाईतेहरूको नेपालगञ्जको वेष्टर्न हस्पिटलमा उपचार भईरहेको छ । मृतकको शव बर्दिया अस्पतालमा राखिएको जिल्ला प्रहरी कार्यालय बर्दियाका प्रहरी नायव उपरीक्षक ऋषिराम घर्तीमगरले बताउनु भयो ।
