-जे.पि. तूफान डी. दुलाल ‘ तूफानी कवि ’
राजनीतिका पण्डितहरू विकास गर्छु भन्छन् ।
आएका सारा बजेट जतिले गोजी भर्छु भन्छन् ।।
भोट माग्नु पर्दा घर/घरमा मुसो झै बनि जाने
चुनाव जिते पछि खोइ किन डेरा सर्छु भन्छन् ।।
आन्दोलन नगर्दासम्म कुर्सीबाट नि नउठ्ने
विकासको काम गर्नु भन्दा बरू म मर्छु भन्छन् । ।
यस्ता राजनेताका कर्तुतले देश सखाप हुन्छ
जनताका पक्षमा होइन विरुद्ध लड्छु भन्छन् ।।
यसरी यस्ता तालले कसरी चल्छ र यो देश
डुबानमा पारि जनतालाई म समुन्द्र तर्छु भन्छन् ।।
