प्रेमको घरभित्र पनि एक शासन चल्यो

– प्रकाश पौडेल 

यो एक युगको कथा हो उनले भनिन् ।
फूलसँग खै कुन्नी केके जुनले भनिन् ।।

हिरा मोतिको उनी बयान गर्दै थिइन्
चाँदीलाई यो कुरा आज सुनले भनिन् ।। 

उनी आउँदा केवल उनी मात्र आउन
यादहरूको पुरानो मलाई धुनले भनिन् ।। 

प्रेमको घरभित्र पनि एक शासन चल्यो
मुलुकी ऐेन नियम अनि कानुनले भनिन् ।।

प्रकाशको मनमुटु मस्तिष्कमा बसेकी थिइन्
महफिलमा यो खबर कुन कुनले भनिन् ।।