bardiyahospital

‘भ्रमित सत्य’

Bidhut Notice

हो ! निकै गाह्रो भएको थियो

त्यो दिन, हाम्रो अन्तिम दिन

जब अन्त्य भएको थियो

एउटा सपनाको

एउटा चाहनाको ।

 

मेरा हरेक कथासँग जोडिएकी

मेरो हरेक कल्पनामा

नायिका बनेर आउने तिमी

मेरा कविताहरूको शिर्षक

हरेक वर्णन तिमी ।

 

मेरा हरेक कथा, कल्पना

अधु…‍….रो बनाउने तिम्रो अनुपस्थितिले

मेरो जिन्दगी पनि अधु…….रो हुनेछ

मेरो जिन्दगीको भ्रमित सत्य ।

 

तर आज,

मेरा कुनै कथाहरू अधुरा छैनन्

कुनै कविताहरू अधुरा छैनन्

अनी, जिन्दगी पनि अधुरो छैन

जसरी तिमी छैनौ, यो जिन्दगीमा ।

 

धन्यवाद तिम्रा कल्पनाका ती पात्रहरूलाई,

जो हरेक पटक

मेरो स्थान ओगट्न आइपुग्थे ‌

धन्यवाद तिम्रा कथा ती पात्रहरूलाई

जो तिम्रा हरेक कथामा फेरिएका हुन्थे ।

 

अनि धन्यवाद

तिम्रा ती सम्पूर्ण ‘पार्ट-टाइम’ प्रेमीहरूलाई

जसले तोडिदिए मेरो भ्रमित सत्य

र अलग्याईदिए तिमीलाई मेरो कथाबाट

र त आज म आफैमा स्वतन्त्र छु

र त आज म आफैमा पूर्ण छु ।

Leave A Reply

Your email address will not be published.