कृष्णसार अनलाइन । ठाकुरबाबा नगरपालिकाको सांस्कृतिक सम्पदाको रुपमा रहेको लाखे जात्रा मनाइएको छ ।
पालिका वि.स २०२८ सालबाट कर्मलागाँउका घर्ती , थारू , परियार लगायतको सिङ्गो कर्मलागाँउले सुरुवात भएको थियो । लाखे जात्रा ठाकुरबाबा प्रज्ञा प्रतिष्ठान मार्फत पालिकाले सांस्कृतिक सम्पदाको रुपमा अपनत्व ग्रहण गरेको प्रज्ञा प्रतिष्ठानका उपाध्यक्ष खगेन्द्र नेपालले बताउनु भयो ।
उहाँले भन्नुभयो, ‘ यात्रा सफल बनाउन जात्रामा सहभागी हुनु हुने देउडा समूह , हुड्के नाच समूह , मगर सङ्घको पञ्चेबाजा , नेवा देव दबु र अर्मला को लाखे समूहको योगदान रहेको छ ।
नगरप्रमुख तिलक लम्सालले पालिकाको सांस्कृतिक सम्पदाको रुपमा रहेको लाखे जात्रा भव्य रुपमा सम्पन्न भएको बताउनु भयो । उहाँले यस्ता सांस्कृतिक सम्पदा जग्रेना गर्न महत्वपूर्ण योगदान गर्ने कलाकार तथा ठाकुरबाबा प्रज्ञा प्रतिष्ठान टिम धन्यवाद समेत व्यक्त गर्नु भएको छ ।
नगर उपप्रमुख बिना भट्टराईले हजारौको उपस्थिति ,मौलिक बाजागाजाका साथमा , हाम्रो पहिचान हाम्रो संस्कृति सहित लाखेजात्रा निकालिएको बताउनु भयो ।
