दल बहादुर सुनार
बढैयाताल ।
भारत बाट अबैध रुपमा नेपाल ल्याउदै गरेको कुखुरा शसस्त्र प्रहरी बल जमुनी बर्दियाले नियन्त्रण लिएको छ । शसस्त्र प्रहरी बल फारवार्ड चेक पोस्ट फुटाह बाट खटिएको गस्ती टोलिले आज बिहान पौने सात बजेको समयमा अबैध बोइलर कुखुरा नियन्त्रणमा लिएको हो ।
चेक पोस्टका प्रमुख स.प्र.ना. नि.पोशण बस्नेतको कमान्डमा गएको गस्ती टोलिले दुईवटा साईकल सहित ३२ वटा अन्दाजी १ क्विन्टलको अबैध कुखुरा नेपाल भारत सिमाना लुकाइ छिपाई राखेको अबस्थामा नियन्त्रणमा लिएको चौकी प्रमुख बस्नेतले जानकारी दिनु भएको छ ।
नियन्त्रणमा लिएका उक्त कुखुरा स्थानीय जनप्रतिनिधि , समाजका अगुवाहरुको रोहवरमा नष्ट गरिएकोमा फारवार्ड चेक पोस्टले जनाएको छ ।
