गुलरिया । बर्दिया प्रहरीले गुलरिया नगरपालिका वडा नं १ को १६ नं गाउँबाट सालको काठ बरामद गरेको छ । प्रहरी चौकी खैरापुर ‘क’ बाट खटिएको प्रहरी टोली गस्ती गर्दै जाने क्रममा सडकको नालीमा काठ फेला परेको हो ।
८८.६५ क्यु फिट सालको काठ वेवारिसे अवस्थामा फेला परेको प्रहरीले जनाएको छ । तिन लाख ३४ हजार ६ सय रुपैयाँ मुल्य बराबरको काठ बेवारिसे काठ फेला पारी डिभिजन वन कार्यालय गुलरिया बर्दियामा बुझाइएको जिल्ला प्रहरी कार्यालयका प्रहरी नायब उपरीक्षक हिक्मत बहादुर बोहराले बताउनु भयो ।
