बर्दिया । बढैयाताल गाउँपालिकाबाट जुवा तास खेल्ने आठ जनालाई प्रहरीले पक्राउ गरेको छ । बढैयाताल गाउँपालिका –५ मा रहेको टहरोमा जुवा तास खेलिरहेको टोलीलाई प्रहरीले पक्राउ गरेको हो ।
पक्राउ पर्नेमा बढैयाताल गाउँपालिका का २५ वर्षीय राजन थापा, ३६ वर्षीय खड्क बुढा, ३६ वर्षीय मानबहादुर थापा रहेको छन् । भने बाँसगढी नगरपालिका –५ का नारायणप्रसाद आचार्य, ४३ वर्षीय लोकप्रसाद अधिकारी, ३२ वर्षीय रामप्रसाद अधिकारी र ४५ वर्षीय एधु के.सी जुवा तास खेलिरहेको अवस्थामा ५६ हजार १ सय २४ रुपैयाँ नगद सहित पक्राउ गरिएको जिल्ला प्रहरी कार्यालयका प्रहरी नायब उपरीक्षक ऋषिराम घर्तीमगरले जानकारी दिनुभयो ।
जुवा तास सहित पक्राउ परेको विषयमा थप अनुसन्धान गरी कारबाही प्रक्रिया अगाडि बढाइएको प्रहरीले जनाएको छ ।
