भ्यालेन्टाइन- डे ( प्रेम दिवस )
रातो गुलाफ ( प्रेम प्रतीक फूल )
मैले आजसम्म नबुझेको एक प्रश्न !
भ्यालेन्टाइन -डेमा फूल दिएर प्रेम हुन्छ र ?
“प्रेम निर्माण हो, यसले सृजना गर्छ “
मैले बुझेको एउटा अ(सत्य) यहीँ हो
त्यसपछि हो मैले मेरो जिन्दगी आदत फेरेको र
प्रेमिकालाई रातो गुलाफ दिन छोडेको
म कसरी हत्या गरुँ ती मुस्कुराइरहेका फूलहरुको
तपाईं जेसुकै भन्नुहोस् मलाई कुनै प्रवाह छैन
यसपटक पनि म उसको स्मृतिमा रातो गुलाफ रोप्ने छु
र रमाउदै मनाउने छु १४ फेब्रुअरीमा भ्यालेन्टाइन -डे
दुनियाँलाई दिने छु एउटा नयाँ नारा
ए संसारभरका प्रेमिहरु हो एकजुट भएर आउ
यसपटक रातो गुलाफ बाँडेर होइन
आ- आफ्नो आँगनमा गुलाफ रोपेर भ्यालेन्टाइन – डे मनाउ
यो दुनियाँलाई देखाउनुपर्ने छ प्रेम निर्माण हो
आउँ एउटा नयाँ युगको शंख उद्घोष गरौं
नयाँ आविष्कार गरौ नयाँ, सृजना गरौ
रातो गुलाफलाई दिघार्यु बनाउ भ्यालेन्टाइन- डे मनाउ ।
