गोपालराज न्यौपाने, गुलरिया । दाङको राप्ती गाउँपालिकामा रहेको तिलगङ्गा सर्जिकल आई सेन्टरमा निःशुल्क मोतियाबिन्दु शिविर गरिएको छ । तिलगङ्गा सर्जिकल आई सेन्टरमा निःशुल्क मोतियाबिन्दु शिविरमा १४९ जना बिरामीको सफलतापूर्वक शल्यक्रिया गरिएको हो ।
शिविर नेपाल आई कार्यक्रम, तिलगङ्गा आँखा प्रतिष्ठानको आयोजना तथा तिलगङ्गा सर्जिकल आई सेन्टर, राप्ती, दाङको सहकार्यमा सम्पन्न गरिएको थियो । निःशुल्क मोतियाबिन्दु शिविर लुम्बिनी प्रदेशका स्वास्थ्य मन्त्री खेम बी. सारु मगरले बिरामीसँग भेटघाट गर्नुका साथै स्वास्थ्य लाभको कामना समेत गर्नु भएको थियो ।