प्रकाश पौडेल, गुलरिया । बर्दियामा एउटा बाघ मृत फेला परेको छ । गुलरिया – १२ मा रहेको भवानी सामुदायिक वनमा भाले बाघ मृत फेला परेको हो ।
मृत बाघ करिब तीन वर्षको भएको राष्ट्रिय प्रकृति संरक्षण कोषका प्रमुख अजित तुम्बाहाम्फेले बताउनु भयो । उहाँले भन्नुभयो, ‘कुहिएको अवस्थामा बाघ फेला परेको छ । मृतक बाघको शरीर कुहिएको हुँदा पोस्टमार्टम गर्नसमेत कठिन छ ।’
डिभिजन वन कार्यालय बर्दियाका सूचना अधिकारी रामकुमार चौधरीले बाघ करिब १०–१५ दिनअगाडि मरेको हुन सक्ने बताउनु भयो । उहाँले भन्नुभयो ‘बाघ खान नपाएर मरेको हो ।’