गुलरिया । प्रहरीले अबैध सालको काठ बरामद गरेको छ । मधुवन –७ गंगाबस्तीमा रहेको गोपाल मगरको मकैबारीबाट १४ वटा सालको गोलिया बरामद गरेकाे हाे ।
ढोढरी ईलाका प्रहरी कार्यालय ढोढरी र प्रहरी चौकी तारातालको संयुक्त टोलीले अन्दाजी ६७.४१ क्यू फुट सालको गोलीया बरामद गर्न सफल भएको जिल्ला प्रहरी कार्यालय जनाएको छ ।
प्रहरी नायव उपरीक्षक हिक्मतबहादुर बोहराले बराबद भएको सालको गोलियाको मूल्य एक लाख ६८ हजार ५२५ रहेको बताउनु भयो । उहाँले बरामद गरिएको सालको गोलिया सव डिभिजन बन कार्यालय सानोश्रीमा बुझाएको जानकारी दिनुभयो ।
