Division forest_Ads
Barabardiya PSA_Final

राजापुर नगरसभाद्वारा २३ वटा विधेयक पारित

दुई उत्कृष्ट कर्मचारी सम्मानित 

Bidhut Notice
Rajapur_Final

कृष्णसार नगरपालिका, गुलरिया ।  राजापुर नगरपालिकाको नगरसभाले  २३ वटा ऐन, विधेयक र कार्यविधि तथा निर्देशिकाहरू पारित गरेको छ ।  १२ औँ हिउँदे नगरसभाले विभिन्न २३ वटा ऐन, विधेयक  र कार्यविधि  तथा निर्देशिकाहरू पारित गरेको हो । 

आज बसेको राजापुर नगरसभाले वातावरण तथा प्राकृतिक संरक्षण विधेयक, शिक्षा ऐन २०८० संशोधन, जनप्रतिनिधि तथा पदाधिकारीको आचार संहिता निर्देशिका, मर्मत सम्भार कोषको स्थापना, आर्थिक ऐन २०८० लगायतका २३ वटा ऐन, विधेयक र कार्यविधि पारित गरेको हो । नगर सभामा प्रस्तुत उक्त कार्यविधि गत श्रावण महिना देखि माघ २८ गते सम्म बिभिन्न मितिमा बसेको कार्यपालिका बैठकबाट पारित भएका निर्णयहरू हुन । राजापुर नगरपालिकाका नगरप्रमुख राजेश थारूले छलफल र पारितका लागि उक्त प्रस्तावहरू सभामा पेश गर्नुभएको थियो । सभामा पेश गरिएका प्रस्तावहरु सर्वसम्मत पारित भएको नगर प्रमुख थारूले जानकारी दिनुभयो ।

यस्तै नगर सभामा वर्षभरी उत्कृष्ट कार्य गर्ने २ जना कर्मचारीलाई जनही रु. ५० हजारका दरले नगद र सम्मान पत्र सहित सम्मान गरेको छ  । सम्मानित हुने प्रधानमन्त्री रोजगार कार्यक्रममा संयोजक रमेश कुमार पोख्रेल र लेखापाल हुकुम कुमार बोहरा भएको राजापुर नगरपालिका प्रशासकीय अधिकृत महेन्द्रजङ्ग शाहीले बताउनु भयो । नगर भित्र उत्कृष्ट कार्यसम्पादन गर्ने महिलाहरूको निर्माण उपभोक्ता समिति र गुणस्तरीय एवं निर्धारित समयमै निर्माणको काम गर्ने निर्माण व्यवसायीलाई कदरपत्र र दोसल्ला ओढाएर सम्मान समेत गरिएको छ ।

Leave A Reply

Your email address will not be published.