यज्ञप्रसाद सापकोटा, बर्दिया । नेपाल कम्युनिष्ट पार्टी (एमाले) बर्दियाको १० औं अधिवेशनको तयारी पुरा भएको छ । बर्दियाको गुलरियामा भोली(मंगलबार) देखि सुरु हुने भनिएको अधिवेशनको तयारी पुरा भएको हो ।
अधिवेशनको उद्घाटन नेकपा एमालेका अध्यक्ष तथा पुर्वप्र्रधानमन्त्री केपी शर्मा ओलीले गर्नुहुने भएको छ ।
बैशाख १८ र १९ गते हुने भनिएको अधिवेशनको तयारीको विषयमा पत्रकार सम्मेलन गर्दै नेकपा एमाले जिल्ला कमिटी बर्दियाले अधिवेशनको तयारी पुरा भएको जनाएको छ । अधिवेशनका सम्पुर्ण तयारी पुरा भएको छ बर्दिया जिल्लाका सम्पुर्ण पत्रकार, बुद्धिजिवि, कार्यकर्ता नेता लगाएतका सम्पुर्णलाई आमन्त्रण गर्दछौँ नेकपा एमाले बर्दियाका अध्यक्ष लालबहादुर श्रेष्ठले बताउनु भयो । गर्मिको समय भएको कारणले हरेक नगरपालिकाबाट प्रतिनिधि मुलक रुपमा कार्यकर्ताहरु ल्याउने योजना रहेको बताउँदै बढिमा तिन हजार पाँच सय को हाराहारीमा मात्र अधिवेशनको खुल्ला शत्रका सहभागी हुने बताउनु भयो ।
अधिवेशनको बन्दशत्रमा तिन सय ६४ जना प्रतिनीधि रहनेछन् । आवश्यक देखिएमा जिल्लाकमिटिले ५ प्रतिशत प्र्रतिनिधि मनोनित गर्न सक्ने अध्यक्ष श्रेष्ठले बताउनु भयो ।
नयाँ नेतृत्व समेत चयन गर्ने अधिवेशनले पदाधिकारी सहित एक सय पाँच सदस्यिय जिल्ला कमिटी निर्वाचित गर्ने छ । गुलरियाको कृष्णसार रिसोर्टमा हुने कार्यक्रममा हलमा मञ्च व्यवस्थापन गरीएको छ भने हलमा नअटाएका सहभागीहरुलाई रिसोर्टको प्राङ्गणमा बस्नका लागि टेन्टको व्यवस्था गरीएको छ ।
