प्रकाश पौडेल, गुलरिया। बर्दियामा ४१.६७ प्रतिशत पूर्ण अशक्त अपाङ्गता भएका व्यक्तिहरू स्वास्थ्य बिमाको पहुँच भन्दा बाहिर रहेको पाइएको छ । ४१.६७ प्रतिशत पूर्ण अशक्त अपाङ्गता भएका व्यक्तिहरू स्वास्थ्य बिमाको पहुँचभन्दा बाहिर रहेको स्वास्थ्य बिमा बोर्डले जनाएको हो ।
आफ्नो दैनिक क्रियाकलाप गर्न निरन्तर रुपमा अरुको सहयोग पर्ने व्यक्तिलाई पूर्ण अशक्त अपाङ्गता भएका व्यक्ति भन्ने गरिएको छ । यस्ता पूर्ण अशक्त अपाङ्गता भएका व्यक्तिलाई सरकारले रातो कार्ड भएका व्यक्तिको निःशुल्क स्वास्थ्य हुन्छ ।
स्वास्थ्य कार्यालयको तथ्यांक अनुसार बर्दियामा एक हजार दुई सय ९६ जना पूर्ण अशक्त अपाङ्गता भएका व्यक्तिहरू रहेका छन् । ५८.३३ प्रतिशत ( सात सय ५६ जना ) स्वास्थ्य बिमा भएको छ । भने अझै ४१.६७ प्रतिशत ( पाँच सय ४० ) जनाको स्वास्थ्य बिमा पहुँच भन्दा बाहिर रहेका छन् । जसले सहज र निःशुल्क रुपमा स्वास्थ्य उपचार पाउने अधिकारबाट अपाङ्गता भएका व्यक्तिहरू बञ्चित हुन परेको छ ।
स्वास्थ्य बीमा गर्दा कुनै शुल्क तिर्नु पर्दैन
पूर्ण अशक्त अपाङ्गता व्यक्तिहरूको स्वास्थ्य बीमा गर्दा कुनै शुल्क तिर्नु पर्दैन । स्वास्थ्य बीमा बोर्डले रातो कार्ड भएका पूर्ण अशक्त अपाङ्गता भएको व्यक्तिको स्वास्थ्य बीमा गर्दा कुनै शुल्क तिर्नु नपर्ने जनाएको छ ।
स्वास्थ्य बिमा बोर्डका बर्दियाका जिल्ला संयोजक रूपेश आचार्यले पूर्ण अशक्त अपाङ्गता व्यक्तिहरूको स्वास्थ्य बीमा सरकारले निःशुल्क गर्ने व्यवस्था गरेको छ , तर बीमा कार्यक्रममा आवद्ध हुन अनिवार्य परिचय पत्र आवश्यक पर्ने बताउनु भयो । उहाँले पूर्ण अशक्त अपाङ्गता ( रातो कार्ड ) भएका अपाङ्गताका परिवारले दर्ता सहयोगीलाई जानकारी गराएर स्वास्थ्य बीमा गर्नु सक्ने जानकारी दिनुभयो ।
स्वास्थ्य बीमामा सबैको सहज पहुँच पुर्याउन प्रत्येक वडामा दर्ता सहयोगी राखिएको र तीनै दर्ता सहयोगीले मार्फत स्वास्थ्य बीमा गर्न सकिने जिल्ला संयोजक आचार्यले जानकारी दिनुभयो । उहाँले भन्नुभयो, ‘ स्वास्थ्य बीमा आबद्ध हुन पूर्ण अशक्त अपाङ्गता कोही व्यक्तिहरू छुट्नु भएको वडामा रहेका दर्ता सहयोगीलाई जानकारी गराउन वा स्वास्थ्य बीमा बोर्डको कार्यालयमा सम्पर्क गर्न सक्नुहुन्छ । पूर्ण अशक्त अपाङ्गता ( रातो कार्ड भएका ) का क वर्गको अपाङ्गता भएको व्यक्तिको परिवारले पनि शुल्क तिर्न नपर्ने र सहभुक्तानीको रकम पनि तिर्न नपर्ने भएकोले निःशुल्क बीमा हुन्छ । वडामा रहेका स्वास्थ्य बीमाको दर्ता सहयोगीको को भन्ने चिन्न नसक्नेमा वडा कार्यालयबाट पनि जानकारी लिन सकिन्छ ।’
