अमरराज लम्साल, गुलरिया । बर्दिया भएर बग्ने कर्णाली ,बबई, भादा लगायतको नदी सतह बढेसँगै स्थानीहरू त्रसित बनेका हुन । केही दिनदेखि भइरहेको अविरल वर्षाका कारण कर्णाली ,बबई, भादा लगायतका नदीको सतह बढेसँगै स्थानीहरू त्रसित बनेका हुन ।
बर्दिया बाढी तथा पहिरोको जोखिममा रहेको छ । प्रत्येक वर्ष आउने बाढीले गेरुवा, राजापुर, गुलरिया, बारबर्दिया, ठाकुरबाबा, र बासगढी नगरपालिका बढी प्रभावित हुने गरेको छ । बाढीको जोखिम रहेका स्थानका बसोबास गर्ने स्थानीय बासीलाई सजग र सतर्क रहनु साथै महत्वपूर्ण कागजात ,गरगहना, नगद, जिन्सी र खाना सुरक्षित स्थानमा राख्न जिल्ला प्रहरी कार्यालय बर्दियाले आग्रह गरेको छ ।
गुलरिया नगरपालिका – ११ इन्द्रपुरका त्रिभुवन मल्लाहले नदी किनारमा घर भएकोले प्रत्येक वर्ष बाढीको सामना गर्नु पर्ने बाध्यता रहेको बताउनु भयो । उहाँले भन्नुभयो , “ भादा नदीमा बनेको तटबन्ध कमसल रहेको कारण प्रत्येक वर्ष भत्किने गरेको छ । जसका कारण इन्द्रपुर टोलमा रहेका घरहरू जोखिममा छन् । पटक पटक पक्की तटबन्धको लागि बजेट माग गर्दा पनि सुनुवाइ हुन सकेको छैन । “ नदीमा स्थायी तटबन्ध गर्न सरोकारवाला पहल गर्न आग्रह गर्नु मल्लाहले आग्रह गर्नु
बाढीबाट ज्येष्ठ नागरिक, अपाङ्ग, बालबालिका, गर्भवती , र बिरामी बढी जोखिममा रहने भएकोले उहाँलाई सुरक्षित स्थानमा राख्न जिल्ला प्रहरी कार्यालयका प्रहरी नायब उपरीक्षक तथा सूचना अधिकारी तुल्सीराम अर्यालले पर्नेमा जोडदिनु भयो । उहाँले वर्षाको समय भएको हुँदा विषालु सर्प , कीरा तथा परजीवीहरूले टोक्न सक्ने भएकोले रातको समयमा टर्च लाइट प्रयोग गर्नुका साथै सुत्ने बेलामा झुलको प्रयोग आग्रह गर्नु भयो । उहाँले ज्यानलाई जोखिममा राखेर नदी बढेको समयमा बगेको काठ समात्ने र माछा मार्ने काम गर्न नहुने बताउनु भयो ।
नालामा डुबेर एक महिला बेपत्ता
मधुवन नगरपालिका – ५ गाउँ अन्दाजी ३२ वर्षकी शान्ता खड्का जङ्गलमा च्याउ टिप्न भारतको फकलपुर जादा नाला तर्ने क्रममा नालामा डुबेर बेपत्ता हुनु भएकी हुन । बेपत्ताको खोजतलास भइरहेको जिल्ला प्रहरी कार्यालयको प्रहरी नायब उपरीक्षक तथा सूचना अधिकारी तुल्सीराम अर्यालले बताउनु भयो ।