सर्पको  टोकाइबाट दुई जनाको मृत्यु, एकजनाको अवस्था  गम्भीर 

प्रकाश पौडेल , गुलरिया । सर्पको टोकाइबाट दुई जना बालिकाको  मृत्यु भएको छ । सर्पले टोकाइले  गुलरिया नगरपालिका – १ गाउँ नम्बर १५ की  ९ वर्षीया मायारा  चौधरी र ११ वर्षीया स्वर्णिमा चौधरीको   मृत्यु भएको  बर्दिया अस्पताल गुलरियाले जनाएको छ ।

बर्दिया अस्पतालमा मेडिकल अधिकृत सञ्जय महत्ताले  सर्पले  टोकेर दुईजना बालिकाको बाटोमा नै मृत्यु  भएको  जानकारी दिनु  भयो  ।  उहाँले  भन्नुभयो , ‘ ७ वर्षकी रिमा  थारूको  अवस्था गम्भीर भएकोले  थप  उपचारको  लागि भेरी अस्पताल नेपालगन्जमा   रिफर   गरिएको  छ ।’

गुलरिया नगरपालिका –१ का राम प्रसाद चौधरीले ७ वर्षीया भान्जी रिमा चौधरीले बिहान एक्कासि पेट दुख्यो भन्ने पनि खैरापुरमा रहेको मेडिकलबाट औषधी लिएर खुवाएको बताउनु भयो । उहाँले भन्नुभयो, ‘ भान्जीले मुखबाट फिँज निकाले  पछि  अस्पताल लिएर आएका हौ । अस्पताल आएपछि मात्र थाहा भयो भान्जीलाई सर्पले टोकेको रैछ । भान्जीको अवस्था गम्भीर रहेको छ ।

गर्मी मौसममा विशेषगरी सर्प जमिनको सतहमा निस्किन्छन् । जमिनको सतहमा आउने क्रममा सर्प मानिसको घरमा पुग्न सक्छन् । विषालु सर्पले टोकेमा मानिसको ज्यान समेत जान सक्छ । 

बर्दिया अस्पतालका  अनुसार चालु आर्थिक २०८१÷०८२ मा बर्दिया अस्पतालमा ४२ जना  सर्पले टोकेको  बिरामी आएका थिए । जसमध्ये ३ जनालाई  भेरी अस्पताल नेपालगन्जमा  रिफर  गरिएको  छ । भने    गत आर्थिक वर्ष २०८०÷०८१  बर्दिया अस्पतालमा ८७  जना  सर्पले  टोकेको  बिरामी  आएको  थिए  । जसमध्ये ४७ विषालु सर्पले  टोकेको  १७  जनालाई  भेरी  अस्पतालमा नेपालगन्जमा  रिफर  गरिएको अस्पतालका मेडिकल रेकर्डर  एवम् सूचना अधिकारी केशव न्यौपानेले  जानकारी दिनु भयो ।

स्वास्थ्य कार्यालय बर्दियाका वरिष्ठ जनस्वास्थ्य अधिकृत  गोकर्ण गिरीले  बर्दिया अस्पताल गुलरिया ,  ठाकुरबाबा नगरपालिकाको नगर  अस्पताल  ,  र  बारबर्दिया नगर अस्पतालमा  सर्पदंश  उपचार कक्ष रहेको  जानकारी  दिनु  भयो ।  उहाँले  गर्मी महिनामा  पानी परेपछि पानी जमिन मुनि पस्ने भएकोले  सर्पहरू  जमिन  बाहिर  आउने हुँदा   सबैलाई सचेत र  सावधानी अपनाउन   आग्रह गर्नुभयो । उहाँले  भन्नुभयो , ‘ राती  सुत्ने बेला  ओछ्यान टक्टाउने , जुत्ता लगाउनु  अघि जुत्ताभित्र केही छ कि  भनि  हेर्ने,  घर  वरिपरि झाडी सफा  गर्ने   , सर्पले टोकेको  शङ्का  लाग्न  साथ  तत्काल औषधि उपचार हुने अस्पताल आउन  पर्छ । ’
२०८१ बैशाख देखि  साउनसम्म सर्पको टोकाइबाट  बर्दियाबाट  रिफर  भएर भेरी अस्पताल नेपालगञ्जमा उपचार गर्ने क्रममा ३ जनाले  मृत्यु भएको स्वास्थ्य कार्यालयले  जनाएको  छ । भने बर्दिया अस्पतालमा  एकै दिनमा दुई जनाको मृत्यु भएको छ ।  

अस्पतालले कोभिड –१९ सङ्क्रमण बढेपछि स्थानीय निकाय सहयोग र अस्पतालको आफ्नो लगानीमा २५ शैयाको एच.डी.यु र आइ.सी.यु सेवा सञ्चालनको लागि संरचना तयारी भएको हो ।  तर जनशक्ति अभाव हुँदा ४ वर्ष भन्दा बढी समयदेखि सेवा सञ्चालन हुन सकेको छैन । जसले गर्दा एच.डी.यु र आइ.सी.यु राखेर उपचार गर्नुपर्ने बिरामी बाहिर जानुपर्ने बाध्यता रहेको छ ।