कृष्णसार अनलाइन, गुलरिया । १८ वर्षीया बालिकालाई जबरजस्ती करणी गरेको कसुरमा बर्दिया जिल्ला अदालतले ९ वर्ष कैद सजायको फैसला गरेको छ । अदालतले गेरुवा गाउँपालिका –३ का २५ वर्षीय बाबुराम सोनाहालाई ९ वर्ष कैद सजायको फैसला गरेको हो ।
अदालतका न्यायाधीश डल्लुराम चौधरीको कात्तिक २६ गतेको इजलासले जबरजस्ती करणीको कसुरमा ९ वर्ष कैद सजाय, ५० हजार रुपियाँ क्षतिपूर्ति र १८ सय पीडित राहत कोषमा भराउने फैसला गरेको अदालतका शाखा अधिकृत एवम् सूचना अधिकारी अमृता केसीले जानकारी दिनुभयो ।
बालिकालाई ०७५ माघ १३ गते बलात्कार गरेको भन्दै पीडित पक्षले माघ १३ गते इलाका प्रहरी कार्यालय, पाताभारमा उजुरी दिएको थिए । भने जिल्ला सरकारी वकिलको कार्यालय, बर्दियाले २०८१ साउन ४ गते जबरजस्ती करणीको अभियोगमा बर्दिया जिल्ला अदालतमा मुद्दा दर्ता गरेको थियो ।
