कृष्णसार अनलाइन, गुलरिया । १४ वर्षीया बालिकालाई जबरजस्ती करणी गरेको कसुरमा बर्दिया जिल्ला अदालतले १२ वर्ष कैद सजायको फैसला गरेको छ । अदालतले सल्यान बनगाड कुपिन्डे नगरपालिका –७ का ४३ वर्षीय जगत वली क्षेत्रीलाई १२ वर्ष कैद सजायको फैसला गरेको छ ।
अदालतका न्यायाधीश मनोज श्रेष्ठको ०८१ कात्तिक २५ गतेको इजलासले १२ वर्ष कैद सजाय, ५० हजार रुपियाँ क्षतिपूर्ति, ५ लाख रुपियाँ जरिवाना पीडित राहत कोषमा २० हजार भराउने फैसला गरेको अदालतका शाखा अधिकृत एवम् सूचना अधिकारी अमृता केसीले जानकारी दिनुभयो ।
बालिकालाई ०८१ जेठ ३२ गते बलात्कार गरेको भन्दै पीडित पक्षले असार ६ गते इलाका प्रहरी कार्यालय, बानियाँभारमा उजुरी दिएको थियो । वली क्षेत्रीलाई प्रहरीले असार ६ गते गिरफ्तार गरेको थियो । भने जिल्ला सरकारी वकिलको कार्यालय, बर्दियाले २०८१ असार २६ गते जबरजस्ती करणीको अभियोगमा बर्दिया जिल्ला अदालतमा मुद्दा दर्ता गरेको थियो ।
