कृष्णसार अनलाइन । बर्दियामा भएको सडक दुर्घटनामा एक महिला घाइते हुनु भएको छ । सडक दुर्घटनामा मधुवन नगरपालिका– ५ की ४५ वर्षीया कविता परियार घाइते हुनु भएको हो ।
पैदलयात्री परियारलाई बुधबार बिहान ८ बजे ट्याक्टरले खुट्टामा किच्दा घाइते भएको जिल्ला ट्राफिक कार्यालय बर्दियाले जनाएको छ । उखु लिएर राजापुरदेखि गुलरिया आउँदै गरेको ट्याक्टरले महिलालाई किचेको स्थानीय भावेश भाटले बताउनु भयो । उहाँले भन्नुभयो, ‘दुर्घटना भएको ट्याक्टर नहरमा खसेको छ भने घाइते परियारको उपचार नेपालगन्जमा भइरहेको प्रहरीले जनाएको छ ।’