ज्ञानेन्द्र पोखरेल, मैनापोखर । बढैयाताल गाउँपालिकाले मङ्गलबार बजेट सार्वजनिक गरेको छ । पालिकाले आर्थिक वर्ष २०८२/०८३ का लागि ९६ करोड २५ लाख ४३ हजार ९ सय ४५ रुपैयाँको बजेट सार्वजनिक गरेको हो ।
पालिकाले चालु तर्फ ४० करोड ६० लाख र पुँजीगत तर्फ ३० करोड ६५ लाख ४३ हजार ९ सय ४५ रुपैयाँ र दायित्व तर्फ २५ करोड रुपैयाँ गरी बजेट प्रस्ततु गरेको छ ।पालिकाले शिक्षा, स्वास्थ्य, रोजगार, पर्यटन , सूचना र प्रविधि, लघुउद्यम र कृषिलाई विशेष प्राथमिकता दिएर बजेट विनियोजन गरेको पालिकाकी उपाध्यक्ष लक्ष्मी कुमारी अधिकारीले बताउनु भयो ।
पालिकाले सूचना र प्रविधिका लागि १५ लाख रुपैयाँ , लघुउद्यम र सहकारीका लागि १३ लाख रुपैयाँ , विपत व्यवस्थापन फोहरमैला व्यवस्थापन र वातावरणका १० लाख रुपैयाँ, स्वास्थ्यको लागी ५० लाख रुपैयाँ , शिक्षा तर्फ २ करोड ५० लाख रुपैयाँ ,कृषि र पशुपक्षी ८० लाख रुपैयाँ बजेट विनियोजन गरेको उपाध्यक्ष लक्ष्मी कुमारी अधिकारी जानकारी दिनु भयो । यस्तै, ज्येष्ठ नागरिक र असहायलाई घरदैलोमा स्वास्थ्य सेवा तथा सामाजिक सुरक्षा कार्यक्रम र्पुयाउने समेत रहेको छ बजेट विनियोजन गरिएको बताउनु भयो ।
