प्रकाश पौडेल, गुलरिया । बढैयाताल गाउँपालिका –९ मा रहेको मुक्त कमैया आधारभूत विद्यालयको दुईकोठे टिनको छानो हावाहुरीले उडाएको करिब दुई महिना हुँदा समेत मर्मत हुन सकेको छैन ।
वडामा बजेट नभएको हुँदा विद्यालयमा छानो मर्मत गर्न नसकिएको वडाध्यक्ष वीरबहादुर थारूले बताए । आगामी आर्थिक वर्षको बजेटबाट विद्यालयको भवन मर्मत सम्भार गर्न वडाले बजेट व्यवस्थापन गर्ने उहाँले बताउनु भयो ।
यसरी विद्यालयको छानो उडाएको दुई महिना हुन लाग्दा समेत पालिकाले विद्यालयको छानो मर्मत गर्नका लागि चासो देखाएको छैन् । जसका कारण विद्यालयमा सञ्चालन भइरहेको दिवा खाजा कार्यक्रमलाई असर परिरहेको छ ।
